NAJNEZDRAVIJA PIĆA NA SVIJETU – A JEDNO JE BAŠ IZNENAĐENJE

Google+ Pinterest LinkedIn Tumblr +

Često ne razmišljamo puno o onome što pijemo – pa ugasimo žeđ tim gaziranim sokom koji savršeno legne poslije jela, ili na brzinu kupimo bilo koju kafu na trafici. Zato je važno znati koji napici su najnezdraviji i truditi se da ih izbjegnemo.

Gazirana pića su naravno “dežurni krivci” pa su svima prva asocijacija kada je riječ o nezdravom napitku. Naravno, i alkohol. Ali postoji dosta tečnih proizvoda “u sivoj zoni” za koje nijeste sigurni kakav im je sadržaj i da li su kalorični.

Neki od napitaka na ovoj listi najnezdravijih pića, koju donosi Ordinacija.hr, će vas definitivno iznenaditi.

Čokoladno mlijeko

Mnogima je ovaj napitak nešto najljepše što se može popiti, a ne piju ga samo djeca, već i mnogi odrasli. Ipak, imajte na umu da se ne radi o napitku koji je potpuno bezazlen –  jedna bočica ovog napitka sadrži oko 21 gram šećera, plus pojačivače ukusa.

Sokovi od brusnice

Možda najmanje očekivan na listi, s obzirom na to da ovo voće ima jako malo kalorija i da je inače zdravo. Pa kako se tako nešto može pretvoriti u nešto nezdravo? Upravo zbog oporog ukusa soka bru​snice proizvođači dodaju puno šećera kako bi nastao sok.

Sokovi od narandže

Osim ako nije cijeđeni, sok od narandže uglavnom je daleko od ovog vitaminskog voća – radi se o mješavini vode i gustog slatkog sirupa i malo koncentrata pravog soka, ulja i ostalih hemikalija. Jasno je da zdravstvenih dobrobiti u ovom napitku nema.

Sokovi od paradajza

Antioksidanti, kojima je svježi paradajz bogat, gube se nakon što se on flašira. U namjeri da od paradajza dobiju aromatičan napitak, proizvođači dodaju natrijum, pa se pretpostavlja da u jednoj šolji takvog soka u sebe unesete 30 odsto dnevne preporučene doze natrijuma.

Velika šolja kafe

Dok šoljica ili dvije kafe mogu da imaju dobre efekte po zdravlje, nikako ne bi trebalo da kafu pijete iz ogromne šolje od dva decilitra. Još ako vam je to prvi jutarnji napitak, prema riječima stručnjaka, može dovesti do toga da vam kosti slabe i postanu lomljive. Odrasla osoba smije da unese oko 400 ml kafe u danu, a sve više od toga može uzrokovati razvoj osteoporoze, naglašava dr Mamta M. Mamik, profesor ginekologije.

Flaširana voda

Još jedan bezopasni napitak koji ipak donosi neke rizike po zdravlje. Problem je u BPA (bisfenola A), hemijskoj komponenti koja oponaša hormone i nalazi se u puno plastičnih predmeta. Prema pisanju nekih studija, ova hemikalija može da utiče na razvoj raka i plodnost.

Kafe u limenci

Osim gadnog ukusa, i sastav ovog napitka je problematičan. U slučaju kafe u limenci, mnogi će proizvođači dodati puno šećera i mlijeka kako bi napitak bio ukusniji – u čemu u većini slučajeva i ne uspijevaju.

Voda sa vitaminima

Jedna boca ovog pića sadrži oko 120 kalorija, a svaka od njih dolazi od šećera – na vitamine zaboravite.

Share.

About Author

Leave A Reply